Konsultejo
Akademio de Esperanto en 1999 starigis komisionon Konsultejo de la Akademio, al kiu povas turni sin chiu Esperanto-uzanto per difinitaj lingvaj demandoj por ricevi konsilon au rekomendon. Demandojn pri vortfarado (novaj nocioj, terminoj) la komisiono povas respondi relative rapide; che komplikaj gramatikaj problemoj kutime dauras pli longe. La respondoj ne estas decidoj de la Akademio de Esperanto, sed rekomendoj de la konsult-komisiono; tamen la Akademio esperas ke utilas tiu chi rapida servo, pri kies manko ofte oni plendis.
Kiel demandi al la Konsultejo?
Vi povas:
- uzi la demandoformularon (preferinde)
- sendi retposhton al “konsultejo” che “akademio-de-esperanto.org”
- sendi leteron al la direktoro de la Konsultejo: Boris Kolker, 2487 North Taylor Rd, Apt 11, Cleveland Heights, OH 44118, Usono
La Konsultejo ne povas akcepti demandojn per telefono.
Klare formulu la demandojn, kaj demandu konkrete. Bonvolu indiki che urghaj demandoj, ghis kiam vi esperas ricevi respondon. Rapidan respondon ni povas garantii nur al demandintoj, kiuj disponas pri ret-adreso au telefakso.
La komisiono petas, nepre ne sendi bagatelajn demandojn, kiujn povas respondi chiu sperta esperantisto, serchante en vortaroj kaj aliaj konsult-libroj. (Vidu ankau sube la regularon.)
Membroj
Membroj de la komisiono (en alfabeta ordo de chefnomoj): Marc Bavant, Gerrit Berveling, D-ro Renato Corsetti, D-ro Paul Gubbins, Miguel Gutiérrez Adúriz, D-ro Boris Kolker, Li Shijun, Prof. Jouko Lindstedt, François Lo Jacomo, Anna Lowenstein, Barbara Pietrzak Otto Prytz, Prof. Amri Wandel, Bertilo Wennergren.
Regularo de Konsultejo de la Akademio de Esperanto
- Adreso por demandoj estas tiu de la direktoro; li akceptas demandojn per ordinara letero, telefakso kaj interreto, sed ne per telefono. Se oni faras demandon al alia Akademiano, tiu chi transdonu ghin al la direktoro de la konsultejo.
- La direktoro analizas la demandon kaj en okazo de bezono (do se li ne povas mem respondi, char ne estas tre simpla afero) transdonas ghin - eventuale kun komentoj - al la komisionanoj. Por tio kutime li uzas formularon kun vochdonilo. La komisionanoj klopodas respondi ene de la indikita tempo al la direktoro.
- La direktoro sendas la demando-formularon per retposhto ne nur al la koncernaj membroj de la komisiono, sed al chiuj rete atingeblaj Akademianoj; ankau ili havas, kompreneble, la rajton interveni, kion ili faru precipe kiam estas demando, pri kiu ili aparte kompetentas. La komisionanoj ne ligitaj al interreto ricevas la formularon per telefakso au ordinara poshto.
- La direktoro kolektas la respondojn kaj post la limdato kalkulas la vochdonojn lau la reale ricevitaj respondoj (do inkluzive de tiuj de ne-komisionanoj). Se egalas la nombroj de jesaj kaj neaj vochdonoj, la direktoro povas submeti la demandon al dua decido.
- Se la komisiono trovas klaran decidon, la direktoro komunikas tion al a) la demandinto, b) la komisionanoj kaj chiuj Akademianoj rete atingeblaj, c) al Esperanto-gazetaro kaj gravaj movadaj instancoj (precipe UEA). Por tiu komuniko la direktoro uzas formalan tekstumon kun la karakterizo de la rekomendo, kiu ne estas decido de la Akademio de Esperanto.
- Se la komisiono ne trovas interkonsenton, la direktoro au denove submetas - kun komentoj - la demandon al la komisiono au prezentas ghin al la koncerna sekcio au al la Pleno de la Akademio por plia studado. Se la komisiono ankau en dua vochdonado ne trovas pozitivan rezulton, la direktoro komunikas tion al la demandinto; la direktoro mem decidas, chu pri la afero li informas ankau la adresatojn nomatajn en punkto 5 sub litero c).
- La estraro de la Akademio decidas, chu aperigi rekomendojn de la konsultejo en siaj cirkuleroj kaj en eventuale kreota publika informilo.